來自日本過百款芭菲雪糕 CAFÉ
炎炎夏日，日日氣溫都超過三十三度以上，真係無乜胃口食野。有乜野消暑食物呀? 最好食個凍凍雪糕來消消暑。
諗起最近尖沙咀開了一間新的雪糕店，它是來自日本九州，已成立了十五年，當地有五間分店，早前已經落戶澳門，現在也來到香港開設分店。UFUFU CAFÉ 主打雪糕芭菲，有超過一百款可供選擇，而且有多款期間限定任你揀。
<< 淨睇menu已經覺得好吸引 >>
<< 另外，有特別期間限定 >>
去到門口，店員話要等，等大約五分鐘就有位。坐低時即收到 menu，見到有過百款式芭菲，太多款式，圖片又吸引，有選擇困難症的我，真係好難作出決擇，最後花了好一段時間才作出決定。
<< 97.脆脆抺茶、軟雪糕芭菲 $52 >>
<< 45.比利時朱古力焦糖蛋糕芭菲 $68 >>
店內除了主打甜品芭菲外，還有café 有的食物和飲品，咖哩飯，意大利粉，薄餅，牛扒，等等 …。因為食完正餐後過來，所以没有點這些食品，下次會試吓。
<< 真係好多野食畀大家選擇 >>
<<超級芭菲睇黎好勁，高度有30 cm 不過價錢要$298，一個人好難食得完，要叫多幾個朋友仔一齊食先得>>
至於味道方面，雪糕好軟滑而且唔會太甜，一個人食完一杯都唔會有飽飽濟濟感覺。
彈：唔知係咪響應環保，冷氣有點不足，去到坐埋位已覺得有少少熱。
Ufufu Café
營業時間：星期一至日，中午12時至晚上11時
電話：2711-6117 (接受訂位)
地址：尖沙咀金馬倫道5號太興廣場5樓
沒有留言:
張貼留言