【生活】▍正苦工 ▍

今時今日"正苦工"幾百蚊一個月你做唔做?

source 來自勞工處網頁(2015/08/16 18:00)  https://csboa1.csb.gov.hk/csboa/jve/JVE_001_zh.action

勞工處聘請顧問一個月只得五百幾蚊咋!!! 你話做香港人幾慘呢!!!

【LEGO】▍人仔鎖匙扣 BERLIN (853306) ▍

某日，我如常在一個以物易物網站睇睇有無好野時，見到呢個 LEGO 人仔，這個公仔是以德國為主題，香港比較少見。

看到這個人仔，見機不可失，即時搵左藍芽鍵盤交換。

感覺呢個人仔好醒目。

【美食】▍Dazzling Cafe ▍

今日同朋友仔去左間台式甜品店試試。早前店鋪剛開張時，就已經很想過去試試，但太多人去試，排隊時間太長，唯有暫時放棄。今次去尖沙咀 tea time再過去睇睇，好彩唔多人，只等了大約十五分鐘就輪到我地，可能因為係平日，唔係假期，所以咁快有位。

Dazzling Cafe 來自台灣，有不少港人去台灣旅遊時都專程去試試，名氣十分之大。

先黎兩杯飲品，一是青檸檬茶，另一是榛子朱古力。

草莓繽紛冰淇淋鬆餅

跟住到主角出場

榛果巧克力蜜糖吐司

淨看外表已非常吸引，太靚囉，完全唔想破壞呢個圖畫。味道同外表一樣，非常好味，絶對推薦給大家一定要試。

最後，不知不覺坐了很長時間，遠超出店鋪所定下的兩個小時，當時没有人在外等位，所以我們繼續慢慢享受這次美好的下午茶。

兩杯飲品加兩碟食品，埋單不超過 300 大元。以現今香港消費指數呢講，肯定講一句＂不貴，而且值得＂。

【LEGO】▍STAR WARS (75078) ▍

今日又去左 ISP 行左一陣，即係又幫助經濟。

今次入左 STAR WARS 系列 75078。

話咁快已經砌好左。

S

我的樂高收藏品：

• CREATOR

• TECHNIC

• CITY

【玩樂】▍BIGBANG 2015 WORLD TOUR [MADE] in HONG KONG 之 Video ▍

FANTASTIC BABY




燈海塲面

【玩樂】▍BIGBANG 2015 WORLD TOUR [MADE] in HONG KONG ▍

終於都等到 BigBang 再黎香港開演唱會，一定唔會錯過。知道買飛是非常之難既事，好彩有中銀信用咭，今次優先購票就是中銀信用咭，我有幸在網上買到飛。哈哈哈

窮人只能夠瞓最低價飛。

【生活】▍2015 6.4 晚會 ▍

每年6月4日都有一大群市民來到銅鑼灣維園記念 1989年在北京 6.4 天安門發生的學生運動，今年都如舊前來。

【美食】▍蜜密 ▍

蜜密呢個名字係咪令你聯想到甜品呢！？　今次又去食喜愛的甜品。

班元朗朋友仔又搵飯腳，講到食野我就一口答應左，哈哈。班朋友仔係元朗打滾，咁呢餐一定係元朗食。食完正餐韓燒後，總覺得欠缺一些什麼，大家都提議要食飯後甜品。

唔知大家有無留意到，近期元朗開了很多甜品鋪頭，每次去到元朗都總有新開張不久的甜品鋪等住要試。最近多人討論一定係呢間「蜜密　Honey Secret」，位於鄰近元朗西鐵站，過去十分方便。

店鋪面積不大，大約有十多個坐位（唔記得影相添）。

【美食】▍BBQ Military ▍

近年世界各地韓流不停咁吹過不停，而且氣勢有越吹越勁，韓國菜是其韓流中不可不提的主要元素。大家有無發現近期好多人食韓式 BBQ，打開 Facebook 經常有相關美食圖在不停更新，真是非常吸引。

今次我們一班人去試韓式燒烤，位於荃灣 《BBQ Military》，呢間店的來頭是《BBQ 7080》同屬一集團，如果大家熟悉此集團都知道他們是來自南韓，正宗韓國人的韓餐。而且，店內有韓國人做侍應，有興趣就去見多 OPPA 幾臉。　

先上各式韓國配菜，配菜是任食的。

【美食】▍麥記黑漢堡 ▍

繼上次試過白漢堡後, 心思思想試埋黑漢堡跟白漢堡有乜野唔同。前兩日經過麥當奴，剛好個肚又感覺得肚餓，無理由唔試埋黑漢堡㗎！

買左個餐，餵飽左相機後就到我試啦。。。

【美食】▍IKEA Cafe ▍

前幾日係 facebook 睇到宜家傢俬做減價，只要係 facebook like 佢個 post 就有 coupon 送。咁啱呢段時間有野想買，所以去睇睇有無野啱用。

行行吓個肚有啲反應，原來到左下午茶 High Tea 3點3。係時候搵野食囉，哈哈。大家都知 IKEA 有野食賣，今次去左九龍灣 Megabox，呢間除左有十蚊熱狗加汽水餐外，另外仲有 Cafe。


呢間 Cafe 地方好大，有好多位置給客人安坐享受美食。

【生活】▍2015香港國際博物館日 ▍

香港康文署轄下43間博物館將於5月16及17日舉行「2015香港國際博物館日」免費開放讓市民參觀。

康文署轄下博物館名單包括:

歷史博物館、海防博物館、孫中山紀念館、香港藝術館、茶具博物館

文化博物館、鐵路博物館、三棟屋博物館、上窰民俗博物館、科學館

港大許士芬地質博物館、電影資料館、文物探知館、屏山鄧族文物館、視覺藝術中心

油街實現、人類民俗館、東華三院文物館、保良局歷史博物館、港大美術博物館

太空館、中大文物館、浸大孔憲紹博士伉儷中醫藥博物館、教育博物館、展城館

賽馬博物館、醫學博物館、懲教博物館、獅子會自然教育中心、稻鄉飲食文化博物館

警隊博物館、賽馬會藥物資訊天地、亞洲協會香港中心、饒宗頤文化館、海事博物館

知專設計學院展覽館、賽馬會氣候變化博物館、啟德－視覺藝術研究與發展中心、美荷樓生活館

文物修復組 (只限免費參加《傳統的手工藝：中式線裝書製作工作坊》，並非開放參觀)

【玩樂】▍復仇者聯盟2 ▍

現時吹著復仇者聯盟 The Avengers 熱潮，雖然未入去戲院睇，我哋暫時睇住 Figure 先。

【生活】▍杜鵑花隧道 ▍

近期，在網上介紹香港不同地方大大小小的特色景點，今年特別多人講到＂花＂這種題目。

在每年的三、四月間是杜鵑花盛開的季節，位於深水埗元洲邨內就有一條約三十米的的杜鵑花隧道，在隧道內長滿是桃紅色的杜鵑花，看起來吸常吸引，奪目萬紛。

【LEGO】▍STAR WARS (75078) ▍

今日又去左 ISP 行左一陣，即係又幫助經濟。

今次入左 STAR WARS 系列 75078。

話咁快已經砌好左。

S

我的樂高收藏品：

• CREATOR

• TECHNIC

• CITY

【玩樂】▍摩天輪 The Wheel ▍

中環天星碼頭我相信無香港人不認識，而碼頭對開空地近期經常有不同活動舉行。最近就有外國公司來地這片地上建上大型的機械，由動工至完成工程，動用大約半年時間才投入服務。

香港中環摩天輪 - The Wheel

【生活】▍半島飛車 ▍

之前去行街，已有好一段日子無去尖沙咀。因為近幾年 TST 人太多，完全不想過去。現在尖沙咀没有那麼多人，所以襯這個機會落去行吓。

行徑彌敦道轉入太空館方法時，抬頭向上望，怎麼有這樣驚嚇場面發生！！！竟然發現有一架同旅遊巴士大小的車輛在舊半島酒店天台上，車身有一半在半空中懸浮掛著。

【生活】▍地鐵痴漢 ▍

香港人在這個城市裡生活，大家都沖沖忙忙，早上趕上班，放工趕回家休息，在街頭上總看見城市人的忙碌。忙碌會帶給壓力，而壓力會令人有很多大小不同的病症，如精神病，自閉症等等。。。。。。

在香港的地下鐵內就可以看到城市人的繁忙。今次，影片內見到地鐵站月台上的人所作的行為，究竟他是有病或是正在表演出現今流行的行為藝術，又或是天氣太熱所以有呢個行徑呢?   真是不得而知。

大家睇完片後，話畀我知佢想點!

【美食】▍麥記白漢堡 ▍

麥記黑、白漢堡

今個星期一開始麥當奴推出兩個新口味的漢堡包，分別黑漢堡和白漢堡。

記得這兩款漢堡以前曾經出過，不過味道係點就唔記得囉。依家再推出就再去試吓，睇吓可唔可以重拾以前的回憶！

White Burger

【LEGO】▍TECHNIC (42031) ▍

今次繼續工程車，不過唔係 CREATOR，而係TECHNIC系列的工程車仔。

TECHNIC 出產大部份都是比較大盒的，因為 $ 嘅問題!!!   我只買個細 Size 止住渴先。

42031

【LEGO】▍CREATOR (31014) ▍

玩開有引，最終忍唔住手入手第二盒 LEGO， 係 CREATOR 系列 31014 剷泥車。

平平哋入$42 細 LEGO 玩吓

【LEGO】▍CREATOR (31015) ▍

發覺越來越多人玩玩具，可能係香港生活太沉悶，放左工返到屋企，假期時無乜野好做，所以多人買玩具黎消磨時間。

不論小朋友，青年人又或者成年人，都有不少支持者購買各種大大小小玩具，有體積小小的 mini figure，電玩 PS4 或 xBox one，也有大如真人般高度的毛公仔，各式其式乜都有。 

近期最多人玩應該算係呢樣玩具 LEGO，其實這個品牌已有幾十年。記得我細細個時都曾經有個細細盒的 LEGO。估唔到依家咁流行，不單止香港多人玩，世界各地都有黎個潮流，而呢個潮流風氣明顯有增無減。


就因為想重拾兒時回憶，入副 LEGO 玩吓。其實一副 LEGO 由幾十蚊到幾千蚊都有，真係豐儉由人。舊款有保值能力，新款就要同人搶，真係又玩得又儲得。


呢款係 LEGO 31015 型號，每一款 LEGO 有自己獨有的型號。入手時價錢為 $42，之後無再見過價錢低過呢個價。

【玩樂】▍番禺兩日遊 (三) ▍

食完早餐, 休息左一陣後就出發.

又係到左限團一定有環節, 就係團帶你去買野. 去左個蜂蜜園, 去得呢啲地方一定係賣蜜糖. 有好多種類, 好多都無聽過, 仲話有啲乜乜功效, 各有特色咁. 不過我都有收穫.  就係幫襯左一樽蜂王精. 點解買!? 

因為上次去古兜時, 又去個另一個蜂蜜園, 試食過之後, 覺得好好味, 好似食糖咁. 當時無買, 但係香港又見唔到類似既野. 今次再遇到, 所以買左. 依家日日都食少少, 甜.  似我~~ 
咁就畀左 280人仔換左一個甜字. 

跟住就去左呢到.

係一個有百家姓氏既廟, 中國有百幾個姓氏, 呢到一一都有. 
仲會介紹各大姓氏最早既人. 

【玩樂】▍番禺兩日遊 (二) ▍

夜晚就去左睇馬戲, 早左 45 分鐘去罷位, 先到先得. 

表演人員係外國人, 有黑人, 白種人....... 

舞台亦有好多變化. 好好睇. 絶對唔係你地想像中大陸馬戲團.

【玩樂】▍番禺兩日遊(一) ▍

個日晨咁早天都未光五點幾起身, 七點要到中港城集合, 搭七點五十分船去番禺. 比起坐車快好多, 而且舒服好多. 去到上岸就 feel 到好凍又落住雨, 導遊話得十度, 同香港相差十度. 唔怪之得咁鬼凍啦. 著晒啲衫係身上都頂唔住. 

第一個景點就係唔知邊個邊個舊時啲大官既大屋, 去親大陸團好多時都係去睇呢啲屋, 我對佢無乜興趣. 只係想影啲相留念.

講真呢間屋對比大陸好多舊屋都唔算大. 唔信?! 有相睇

【美食】▍士多啤梨奶昔 ▍

今日係超市見到士多啤梨OK平,又算新鮮, 所以買一盒. 返到屋企先諗整咩好.  最後，決定平做果醬和奶昔.

   

【美食】▍士多啤梨果醬 ▍

今日係超市見到士多啤梨 OK平,又算新鮮, 所以買一盒, 返到屋企先諗整咩好.  最後決定做果醬和奶昔.

【美食】▍Lemon Curd 檸檬凝乳 ▍

今次整果醬呢夾面包，平時經常買方包加果醬做早餐，多數都係買橙味，士多啤梨，檸檬。。。。。。等等生果醬，食得多覺得無新意。所以試吓檸檬凝乳 Lemon Curd

先要介紹一吓 Curd - 香港較少人認識, 亦唔容易買到. 食法跟牛油, 果醬, 芝士差不多, 直接塗在面包, 餅乾上.  甚至直接食用都很好味.  而且做法簡單, 材料不多也很便宜, 又容易買到.

材料:

•   檸檬一個
•   白砂糖 100克
•   無鹽牛油 50 克
•   雞蛋一隻

再開始 Blogger 生涯

首先跟大家講聲 Hello～～

自從 yahoo blog 摺左後， 已有多年無再執筆，依家再寫返都驚唔知點寫好。

好多年前係 yahoo blog 寫過一堆網誌， 乜都有，寫食物，煮食，睇 show，新聞話題，當時諗到乜就寫乜。後來，yahoo 無再提供 blog services 後就停左，直至今日先再攞起支筆去寫。

出發