【玩樂】▍番禺兩日遊 (三) ▍

食完早餐, 休息左一陣後就出發.

又係到左限團一定有環節, 就係團帶你去買野. 去左個蜂蜜園, 去得呢啲地方一定係賣蜜糖. 有好多種類, 好多都無聽過, 仲話有啲乜乜功效, 各有特色咁. 不過我都有收穫.  就係幫襯左一樽蜂王精. 點解買!? 

因為上次去古兜時, 又去個另一個蜂蜜園, 試食過之後, 覺得好好味, 好似食糖咁. 當時無買, 但係香港又見唔到類似既野. 今次再遇到, 所以買左. 依家日日都食少少, 甜.  似我~~ 
咁就畀左 280人仔換左一個甜字. 

跟住就去左呢到.

係一個有百家姓氏既廟, 中國有百幾個姓氏, 呢到一一都有. 
仲會介紹各大姓氏最早既人. 

你睇唔睇到呢個牌, 啲字係以前啲 x 書所用既字, 見唔見到你個姓呢?!

係內裡發生左件事好好笑, 佢地有個 LIST 寫左各大姓氏有咩名人. 個 FRIEND 指住" 光緒皇帝", 唔知你地記唔記得光緒皇係清朝皇帝. 佢個名竟然係姓"光" 個 LIST 入面!!!

你地仲未知有咩問題!!! 

光緒只係稱號, 清朝皇帝係滿州人, 姓 "愛新覺羅" 架. 點解會係姓"光"!!! 

我即時對呢間野無晒信心

間廟後面有條山路, 行上去幾分鐘就有個小佛寺, 平時唔開門, 係有人去先開門.

呢到係間廟對出行人路上, 有無睇到條街比想像中清潔. 唔係以前咁污糟。

跟住上車去下一站.

跟住旅遊車就去到下一個景點, 名叫大學城. 你地會覺得奇怪, 乜大學城會係咁. 佢係大學城其中一部份.

當地大學真係好靚又大, 勁過香港好多. 因為當時無停車, 所以影唔到相. 導遊仲話去過大學幾次, 每一次都唔識路出番去, 因為入面太大.

呢到呢個大學城一部份既景點, 以彷估傳統住宅興建. 啲屋入面乜都無架, 好似好浪費坐野. 不過如果一利用左間屋, 好快會殘. 全部屋, 大部份都係新建, 只有好少屋係舊有留落. 

姑婆屋

我地係入面行左好多時間. 

呢間屋係霍英東既早屋, 佢細個時係入面住. 依家已被霍家買入.

咁就係呢到停留左個幾鐘. 上返車就直駛往碼頭坐船返香港.

完結左兩日既行程, 返到香港中港城已經夜晚 8 點幾囉, 好肚餓, 一大伙兒去食晚飯.

乘船中途有小插曲, 發生左件事, 船上小賣部個微波爐突然出煙, 所有乘客都企晒起身睇野。嚇到我地似為要著救生依跳船添. 啲煙多到, 佢地要開船倉晒咁啲煙走.