【玩樂】▍番禺兩日遊(一) ▍

個日晨咁早天都未光五點幾起身, 七點要到中港城集合, 搭七點五十分船去番禺. 比起坐車快好多, 而且舒服好多. 去到上岸就 feel 到好凍又落住雨, 導遊話得十度, 同香港相差十度. 唔怪之得咁鬼凍啦. 著晒啲衫係身上都頂唔住. 

第一個景點就係唔知邊個邊個舊時啲大官既大屋, 去親大陸團好多時都係去睇呢啲屋, 我對佢無乜興趣. 只係想影啲相留念.

講真呢間屋對比大陸好多舊屋都唔算大. 唔信?! 有相睇

去到酒店, 入住長隆酒店. 係渡假式酒店. 入到去大堂......嘩!!!!! 搞咩呀???

酒店入面有咁多雀既. 即刻諗到有禽流感點算!!!!!

間酒店面積都幾大吓, 我地周圍行下行下, 有 longue, 日本餐廳, 西餐廳. 個日仲有人搞婚宴添.

又有乜乜電視台卡通頻道首播會. 見到好多著得好靚既人, 不過我唔知佢地係乜水.

跟住我地去左打保齡玩健身同腳仔按摩. 因為當時無乜野好做, 出面又落雨又凍, 無去遊樂場玩機動遊戲, 都無去動物園.