表演人員係外國人, 有黑人, 白種人.......
舞台亦有好多變化. 好好睇. 絶對唔係你地想像中大陸馬戲團.
表演全長一個半小時. 如果你地去長隆, 一定要去睇呢個 show, 絶對值得入場睇. 記住早啲入場罷定靚位好好欣賞。
睇完馬戲已經晚上 9 點幾, 仲未食晚飯. 7 點幾時已經覺得肚餓. 即刻走去搵野食.
除酒店入面有幾間貴間餐廳外, 乎近就無野食, 所以我地搭的士出去就近河村食飯. 搭的士有價講, 佢開價 $20, 我地即話貴, 佢就話你地話幾多就幾多. 反問佢, 咁係幾錢? 之後開價 $15, 好...殺佢, 即上車.
去到河村,原來個度有好多間食店, 我地隨意咁入左一間坐低左.
還境同大排檔無分別, 只是多了蓋, 有電視睇既大排檔.
我地叫左幾碟餸, 有炒豬頸肉, 茄子xx( 唔記得左個名 ), 啫啫雞鍋, 鐵板通菜,仲有叫左 2 碟楊州炒飯. 當然仲有唔少得既汽水啤酒啦. 掛住食,有啲唔記得影相添
啲野幾好食架, 尤其個啫啫雞鍋, 鐵板通菜. 原來用鐵板煮通菜係咁好食架, 好香, 好正.
食飽之後就打的回府. 搭架的士, 問佢六個人載唔載, 佢開頭話唔得, 都係要我出呢招殺手鐧既時候, "$20蚊". 此話一出, 架車即刻可以載多兩個人. 國內的士係只可載4位.
返到酒店都 11 點幾, 沖涼, 做埋手部眼部運動打左一陣 ps, 跟住就 zz...ZZZ 囉, 已經半夜一點幾. 咁就玩左一日, 明天早上 8 點 morning call 繼續行程
大清早 8 點就起身, 因為被 morning call 叫醒. 都係一貫唔會瞓得太好, 一向都唔習慣瞓生保床, 一晚醒幾次咁. 搞掂晒就一齊走去食早餐.
係酒店食早餐間餐廳, 估唔到幾靚喎,裝修唔似國內野, 環境又舒適, 唔信?! 有相睇架.
啲野食好多款式, 有中式又有西式. 係去過咁多國內大小星級酒店自助早餐, 呢間係最多野食選擇. 而且環境最好, 兩邊落地玻璃, 一邊係左手對園景, 出面有露天位置, 你可以係出面食早餐. 另一邊, 右手邊又係落地玻璃, 呢邊更加精彩, 又有野睇.....
之前賣過關子, 就係呢樣野. 可以一邊食早餐, 一邊睇動物, 真係估都估唔到. 我相信, 唔會好多酒店入面會有呢啲野睇. 關子會繼續賣住先。
呢餐食得飽飽, 但又未到集合時間, 返左房休息左一陣, 跟住又出發.
係講關於酒店入面有兩種動物, 之前已經講左一種啦. 依家係時候同大家講埋另一種.
首先要回顧上一篇, 咪講係酒店入面食早餐, 就係呢到, 另一樣野就係呢個餐廳會見到.
請睇番上面張相, 右手邊咪有個玻璃, 有啲石, 就係個度望出去........
嘩!!!! 白老虎呀!!!! 睇唔睇到?? 如果你在近窗口位, 你可以一邊食野, 一邊睇佢係到 Hea
沒有留言:
張貼留言